Juventus synon afrimin e Gundogan si transferim të lirë
Ilkay Gundogan pritet të largohet nga Manchester City në fund të këtij sezoni.
Mesfushori gjerman është futur në vitin e fundit të kontratës me Citizens dhe ende nuk ka pranuar rinovimin.
City i ka ofruar kontratë të re Gundoganit, por mesfushori derj më tani ka refuzuar të vazhdoj bashkëpunimin pasi po i vlerëson edhe opsionet e tjera.
Juventus është skuadra e radhës që ka shprehur interesim për gjermanin dhe dëshiron ta marrë sj transferim të lirë në verën e vitit 2023.
Calciomercato ka raportuar se Zonja e Vjetër tanimë ka kontaktuar agjentët e futbollistit për të pyetur rreth Gundogan.
31-vjeçari është pjesë e Cityt nga edicioni 2016/17 dhe po dëshiron një eksperiencë të re në karrierën e tij.
Por jo vetëm Juventusi, pasi për mesfushorin interesim kanë shprehur edhe skuadra tjera të mëdha që ta transferojnë si lojtar të lirë.
Barcelona, Atletico Madrid, Inter dhe Borussia Dortmund gjithashtu kanë shprehur interesim për transferimin e reprezentuesit gjerman.
Gundogan është një nga futbollistët më të rëndësishëm të Pep Guardiolas, teksa këtë sezon në 14 ndeshje ka shënuar dy gola dhe ka asistuar në një tjetër.
