Jose Mourinho

Jose Mourinho drejt rikthimit në futbollin anglez

Që nga largimi i tij nga Roma në fillim të këtij viti, Jose Mourinho nuk është marr me punën e trajnerit.

Shumë spekulime ka pasur rreth të ardhmes së tij. Së fundmi, po flitet për një rikthim të tij në Premierligë.

Mourinho tashmë e ka pranuar se dëshiron të gjejë një klub të ri përpara nisjes së sezonit 2024/25.

“Nuk jam në pushim, dua të punoj. Dua të punoj, por thjesht nuk dua të marr vendimin e gabuar. Më duhet të pres atë të duhurin, atë që më motivon. Por nëse do të mund të punoja nesër, do të punoja nesër”, ka thënë Mourinho.

Shancet e mëdha janë për një rikthim të bujshëm në Chelsea.

Skuadra londineze është në kërkim të një trajneri të ri pasi Mauricio Pochettino u largua nga klubi me pëlqim të ndërsjellë javën e kaluar .

Po ashtu, “The Special One” është dashuruar vazhdimisht nga klubet në Arabinë Saudite dhe thuhet se ka mbajtur bisedime ballë për ballë me skuadrën turke, Fenerbahce, në fillim të këtij muaji.