BBVK
Jonida me reagim të ashpër ndaj banorëve: Nuk dimë më ç’të bëjmë me ju, na keni lodhur
Tensionet brenda shtëpisë së BBVK janë rritur pas një përplasjeje të ashpër midis dy banoreve, Shqipës dhe Edonës.
Ky incident ka shkaktuar një reagim të ashpër nga Jonida, e cila ka shprehur zhgënjimin e saj të thellë me banorët për sjelljet e tyre në lojë.
Jonida shprehet e dëshpëruar për situatën që u përfshinë Shqipja dhe Edona brenda shtëpisë, ku Edona hodhi ujë në fytyrën e Shqipes.
“Fatkeqësisht kjo nuk është një situatë që ndodh për herë të parë brenda asaj shtëpie” – shprehet Jonida.
“Me shumë keqardhje e them që ‘Vëllai i Madh’ ka marrë të gjitha masat e mundshme, ka provuar dënimet se kritikat as nuk përmenden, sa herë ju kemi kritikuar. Ka pasur përjashtim dhe ka pasur nominim, ku njëri prej banorëve Besi ka lënë shtëpinë, nuk dimë më ç’të bëjmë me ju.” – vazhdon ajo.
Ajo shton se banorët ndoshta mendojnë se duke vepruar në atë mënyrë do të marrin më shumë vëmendje gjatë emisionit live: “Mbase mendoni që duke bërë gjëra të tilla, merrni vëmendje në Prime, kjo është edhe arsyeja që këtë material e lamë për në fund, sepse nuk duam që t’i japim vëmendje gjërave të tilla, na keni lodhur.”
Jonida përmbylli kritikën e saj duke vënë theksin në faktin se si banorët po japin një imazh jo të mirë nga perspektiva e publikut jashtë, “Dukeni një tmerr nga jashtë,” dhe në fund u bëri thirrje atyre të ndryshojnë sjelljen, “Jepni një shembull aspak të bukur, aspak të mirë, jeni fajtore që të dyja.”
