Januzaj shënon nga penalltia, fiton Sociedadi
Adnan Januzaj ka shënuar gol për Real Sociedadin të enjten në mbrëmje.
Sociedadi fitoi me rezultatin 2:1 kundër Celta Vigos në La Liga, në kuadër të xhiros së 31-të.
Hugo Mallo shënoi për vizitorët i pari në minutën e 22-të.
Shifrat i barazoi Portu në minutën e 25-të. Alexander Isak humbi penalltinë në minutën e 29-të, por i saktë nga ajo pozitë ishte Januzaj në minutën e 39-të për 2:1. Ishte goli i tretë i sezonit për të, ndërsa ka edhe dy asistime.
Januzaj u zëvendësua në fillim të pjesës së dytë.
Sociedadi me këtë fitore mban gjallë shpresat për të luajtur në garat evropiane. Është në pozitën e pestë me 50 pikë, ndërsa Celta Vigo mbetet në pozitën e 12-të me 38-të pikë.
