Ish-këshilltari: Shtyrja e konferencës për Thaçin e të tjerët është bërë me qëllim nga Specialja shkaku i zgjedhjeve
Ish-këshilltari i ish-presidentit Hashim Thaçi, Adil Behramaj shtyrjen e konferencës për Thaçin dhe të tjerët e lidh me datën e zgjedhjeve të 14 shkurtit.
Behramaj ka shkruar se Gjykata Speciale po druhet se prezenca e tyre para zgjedhjeve do të ndikojë tek votuesit.
“Me publikimin e njoftimit për ngritjen e aktakuzës ende pa u konfirmuar, Gjykata Speciale bëri gjeopolitikë. Me shtyrjen e paraqitjes së tyre para Gjyqtarit të Procedurës, sepse jemi në prag të ditës së zgjedhjeve, Gjykata Speciale bëri kalkulim politik. Po i frikësohen paraqitjes së Hashim Thaçit e Kadri Veselit edhe në Dhomat Speciale në Hagë. Po druhen që prezenca mediale njëditore e tyre ndikon te votuesit dhe ua prishë atyre skenarin politik, që po mundohen ta jetësojnë në emër të drejtësisë”, ka shkruar ai.
