Inter

Interistët e Kosovës e takojnë legjendën Javier Zanetti

Një grup tifozësh të Interit nga Kosova patën fatin ta takojnë legjendën e klubit zikaltër, Javier Zanettin, i cili nuk ngurroi ta vulosë nënshkrimin e tij në një veshje të Inter Club Kosova.

Si pjesëtarë të grupit zyrtar të tifozëve kosovarë të Interit, Inter Klub Kosova, Alban Kurtishi me shokë e vizituan Bullgarinë javën e kaluar, për ta shikuar nga afër ndeshjen e parë të Interit me Ludogorets në fazën e 32 skuadrave më të mira në Ligën e Evropës.

Përveç se e shijuan një fitore të lehtë 2:0 falë golave nga Christian Eriksen dhe Romelu Lukaku, interistët kosovarë morën edhe diçka të veçantë dhe paharrueshme me vete nga vizita në Bullgari, nënshkrimin e ish-kapitenit legjendar, fituesit të tripletës me zikaltrit më 2010, Zanettit.

Ata kanë pozuar me argjentinasin, tani zëvendëspresident i Interit, gjithashtu.