Insigne, lojtar i ndeshjes Belgjikë-Itali
Lorenzo Insigne e ka fituar titullin e më të mirit në ndeshjen Belgjikë-Itali.
Insigne shënoi një gol të bukur në minutën e 44-të të ndeshjes, gol që doli të jetë goli i fitores për Kombëtaren italiane.
Insigne ishte i angazhuar gjatë tërë ndeshjes dhe përpos golit të shënuar ai u tregua i rrezikshëm në çdo dalje përpara për Italinë.
“Një paraqitje inspiruese nga magjistari i Italisë, Lorenzo Insigne”, ka shkruar UEFA Euro 2020 për sulmuesin italian.
Italia mposhti me rezultat 2-1 Belgjikën sonte në çerekfinale për të kaluar në gjysmëfinale ku do të përballet me Spanjën e cila eliminoi sonte Zvicrën.
