Edmond Azemi i ka dhënë fund karrierës si basketbollist. Lajmin për pensionimin e Azemit e ka bërë të ditur klubi i basketbollit Prishtina të enjten mbrëma në Facebook.
Pjesë e Prishtinës ishte që prej vitit 1999, ndërsa në karrierë ka fituar 36 trofe.
40-vjeçari ka fituar 12 tituj, 14 Kupa, 7 Superkupa, dy tituj të Ligës Ballkanike dhe një titull në Islandë.
Azemit i është besuar posti i drejtorit gjeneral te Prishtina.
“Kur lexon fjalët e lartpërmendura e kupton lehtë se për kë bëhet fjalë, madje nuk ka nevojë as t’i përmendet emri. Filloi në moshë të re me ëndrra të mëdha, por as në ëndrrat më të mira nuk do të mund ta imagjinonte një karrierë më të lavdishme se kjo”, shkruan ndër të tjera në njoftimin e Prishtinës.







