Borussia Mönchengladbach

Ideja brilante e klubit gjerman, s’do të luajë pa tifozë në këtë kohë pandemie!

Borussia Mönchengladbach ka ardhur me idenë më brilante që mund ta kishte imagjinuar dikush në këtë kohë pandemie.

Për shkak të koronavirusit, futbolli do të luhet pa tifozë për pjesën e mbetur të sezonit, ndoshta edhe deri në vitin 2021.

Me Bundesligën që startoi sot, Borussia Mönchengladbach është përkujdesur që sado pak të ndjejë shoqërinë e tifozëve të saj në stadium.

Ata kanë vendosur kartonë me fotografi të tifozëve nëpër ulëset e stadiumit dhe me të vërtetë, kjo ide u ka pëlqyer të gjithëve pasi stadiumi duket sikur të jetë i mbushur, sado pak i jep gjallëri hijeshi lojës së futbollist që kurrë s’do të jetë e njëjtë pa tifozë.

Trajneri i Gladbachut, Marco Rose, tha se kjo ide është brilante “i jep jetë stadiumit, nuk i zëvendëson fansat e vërtetë, por është bukur t’i shohësh ato”.

Mbi 20 mijë fotografi te fansave janë vendosur dhe do të qëndrojnë aty deri në fundin e sezonit.

Raportohet se tani, ka mundësi që shumë klube të aplikojnë këtë ide, që me të vërtetë është mbresëlënës dhe pritet me padurim takimi për herë të parë javën e ardhshme, pasi këtë xhiro, sot nga ora 18:30, Gladbach luan në udhëtim te Eintracht Frankfurt.