Ibra i Kosovës në bankën rezervë te Bayerni
Arijon Ibrahimoviq është futbollist nga Kosova dhe si 16-vjeçar ka arritur që të zë vend te skuadra e parë e Bayern Munichut. Dita e premte mund të jetë edhe dita më e lumtur e karrierës së tij si futbollist deri tani.
Për shkak të numrit të madh të rasteve me koronavirus e me lëndime te bavarezët, trajneri Julian Nagelsmann e ka ftuar në ekipin A.
Mesfushori ofensiv, Ibrahimoviq, është në bankën rezervë në duelin kundër Borussia Monchengladbachut.
Takimi mes Bayern Munichut dhe Borussia Monchengladbachut nis në orën 20:30, dhe i takon xhiros së 18-të të Bundesligës së Gjermanisë.
Me grupmoshat e reja të Bayernit, Ibra i Kosovës ka shënuar 9 gola e 13 asistime në 20 paraqitje në të gjitha garat.
