I premtoi para 13-vjeçares dhe e futi në banjon publike, arrestohet në Durrës pedofili i moshuar italian

Policia e Durrësit ka arrestuar pedofilin e moshuar italian i cili ka abuzuar seksualisht me një vajzë të mitur 13 vjeçare.

Nga denoncimi në media, është parë me video se si pedofili i ka ofruar para të miturës dhe e ka futur në një banjo publike.

Njoftimi i policisë/ Durrës

Specialistët për Hetimin e Krimeve në Komisariatin e Policisë Durrës arrestuan në flagrancë shtetasin italian D. A., 64 vjeç.

Ky shtetas dyshohet se ka ngacmuar seksualisht një shtetase të mitur, në qytetin e Durrësit.

Për arrestimin e këtij shtetasi është bashkëpunuar me stafin e emisionit “Fiks Fare”.

Materialet procedurale u referuan në Prokurorinë pranë Gjykatës së Shkallës së Parë Durrës, për veprime të mëtejshme.

Drejtoria Vendore e Policisë Durrës falënderon mediat që denoncojnë rastet e paligjshmërisë dhe i fton sërish që të denoncojnë çdo rast paligjshmërie në Komisariatin Dixhital dhe në numrin 112, duke iu garantuar reagim të menjëhershëm e të paanshëm.