I infektuari me koronavirus sillet nëpër sheshin e Vushtrrisë, nuk ka respektuar vendimin për vetizolim
Një person i cili ishte i infektuar me koronavirus në Vushtrri është parë dje duke u sillur në sheshin ‘Hasan Prishtina’.
I infektuari nuk ka respektuar vendimin për vetizolim, ndërsa me urdhër të prokurorit ndaj të dyshuarit është iniciuar lënda e rastit e cila procedohet në procedurë të rregullt.
Ngjarja raportohet të ketë ndodhur dje rreth orës 19:10, shkruan ballkani.info
“I dyshuari mashkull kosovar i cili ka rezultuar pozitiv me Covid-19 nuk kishte respektuar vendimin për vet-izolim dhe kishte dalë. Me urdhër të prokurorit ndaj të dyshuarit është iniciuar lënda e rastit e cila procedohet në procedurë të rregullt”, thuhet në raportin 24-orësh të Policisë së Kosovës. /Ballkani.info/
