Hoxhaj i reagon Federatës së Futbollit të Spanjës: Kosova është vend i pavarur, presim reagimin e UEFA-s
Enver Hoxhaj, ushtrues i detyrës së kryetarit të PDK’së i ka reaguar Federatës së Futbollit të Spanjës.
Federata e Futbollit të Spanjës i është referuar Kosovës si territori i Kosovës, kur ka paralajmëruar zbulimin e listës për tri ndeshjet e marsit.
Hoxhaj pret reagimin e UEFA’s derisa kujton se Kosova është vend i pavarur.
“Të zhgënjyer me sjelljen destruktive të Spanjës ndaj Kosovës edhe kur bëhet fjalë për sport. Kosova është vend i pavarur dhe sovran dhe ky fakt nuk do të zvogëlohet nga kjo lloj sjellje. Pres reagimin e duhur nga UEFA”, shkroi ai në Twitter.
Spanja e Kosova takohen më 31 mars në Seville në kuadër të eliminatoreve për Botërorin 2022.
Disappointed to see #Spain’s destructive behavior towards #Kosovo even when it comes to sports. Kosovo is an independent and sovereign country and this fact will not be diminished by this kind of behavior. I expect @UEFAcom to react properly.
— Enver Hoxhaj (@Enver_Hoxhaj) March 9, 2021