Hazard del kundër shpenzimeve të çmendura për transferimin e futbollistëve

Edhe pse kishte vetëm një vit kontratë me Chelsean, dëshira për ta patur menjëherë në skuadër nuk e frikësoi aspak Real Madridin që pagoi 100 milionë euro plus bonuset për të marrë shërbimet e Eden Hazard.

Deri tani belgu nuk i ka përmbushur pritshmëritë, pasi nuk ka bindur plotësisht. Në një intervistë për Le Parisien, Hazard ka folur për vlerën e tij në merkato duke theksuar se asnjë futbollist nuk vlen 100 milionë euro.

“E di që kam kushtuar shumë para, por janë miliona ato që xhirojnë mes klubeve. Merkatoja është e çmendur pasi për mua asnjë lojtar nuk duhet të vlente 100 milionë euro. Nuk e mendoj aspak shifrën që i kam kushtuar klubit, edhe po të kisha kushtuar vetëm 5 milionë do të luaja po njësoj”, deklaroi Hazard.