Haradinaj: S’votojmë kandidat të zarfit për president, përveç familjes Jashari

Daut Haradinaj nga AAK-ja në emisionin “Debat” të RTK-së ka thënë se kjo parti nuk e voton asnjë kandidat për president nëse vije nga shoqëria civile dhe nëse nuk është pjesë e skenës politike të Kosovës.

“Nuk votojmë kandidat të OJQ-ve, ose jashtë parlamentit, sikurse ka ndodhur një herë me Atifete Jahjagën. Por kjo dallon te familja Jashari. Ata janë familje e jashtëzakonshme, por jashtë kësaj nuk e shoh ndonjë kandidat që e kisha votu nëse s’ka marrëveshje politike”, ka thënë Haradinaj.

Tutje ia ka thënë se shoqëria civile duhet të jetë në listat zgjedhore, pastaj të fitojnë një vend në parlament dhe të kandidojnë për pozita të larta shtetërore.

“Te ne shoqëria civile është më e fuqishmja në rajon. E kanë rolin tepër aktiv dhe pozitiv, por tek pozita e larta duhet të sfidohen në votë qytetarëve, sepse ka kaluar koha e presidenteve të zarfave”, ka thënë Haradinaj.