Në këtë kohë kur Kosova po përballet me pandeminë, zëvendëskryeministri në detyrë, Haki Abazi është marrur pak me Shqipërinë duke kritikuar Qeverinë atje për rrëzimin e teatrit.

Përmes një shkrimi në rrjetin social Facebook, Abazi ka thënë se policët në Shqipëri do të duhej të ruanin teatrin e jo ta prishnin atë.

“Në vendet ku rrëzohet qeveria legjitime nga individ të lidhur me korrupsionin dhe krimin; në vendet ku politika e lidhur me oligarkinë rrënon teatrin dhe shtepitë e kulturës, perveç që nuk ka zhvillim, regresi është i garantuar, nëse lejohet kjo formë e sjelljes politike.”, ka shkruar tutje ai.

Postimi i plotë i Abazit:

Kur rrëzohet teatri për interes të oligarkëve, u shpallet luftë qytetarëve- 1000 policë do të duhej ta ruanin teatrin jo ta bënin të mundur prishjen.
…edhe në kohë pandemie apo posaqërisht në kohë pandemie- ligështia nuk ka brinjë!
Në vendet ku rrëzohet qeveria legjitime nga individ të lidhur me korrupsionin dhe krimin; në vendet ku politika e lidhur me oligarkinë rrënon teatrin dhe shtepitë e kulturës, perveç që nuk ka zhvillim, regresi është i garantuar, nëse lejohet kjo formë e sjelljes politike.
Mos pyetni pse tkurremi vazhdimisht dhe pse jemi mbrapa të gjithëve në procese, nëse vazhdimisht rrënojmë e prejmë degën e radhës ku qëndrojmë vet.
Nuk ka demokraci pa demosin, ka vetëm diktaturë!.