Griezmanni i jep fitoren Atleticos ndaj Valladolidit
Atletico Madridi ka shënuar fitore prej 2 me 3 në udhëtim te Valladolidi.
Kaliniq kaloi mysafirët në epërsi në minutën e 26 pas asistimit nga Griezmanni, i cili në minutën e fundit të pjesës së parë e dyfishoi epërsinë duke shënuar nga penaltia.
Pjesën e dytë vendasit e nisën furishëm, duke arritur të barazojnë shifrat. Calero ngushtoi rezultatin me golin e shënuar në minutën e 57, kurse shifrat i barazoi Saul me një autogol, gjashtë minuta më vonë.
Por, Atletico nuk lejoi befasi, dhe arriti të shënojë golin e fitores në minutën e 80.
Ishte Griezmanni që shënoi pas asistimit nga Saviqi.
Në vendin e dytë Atletico ka 31 pikë. Kurse Valladolidi në vendin e 12 ka 20 pikë.
