Greqia mund ta njohë Kosovën? Ambasadori grek në Beograd thotë se qëndrimi i tyre mbetet i pandryshuar
Ambasadori komentoi mbi pritjet e analistëve të politikës së jashtme David Phillips dhe Daniel Server.
Pozicioni i Greqisë për të mos njohur pavarësinë e Kosovës është i njohur dhe mbetet i pandryshuar.
Kështu ka thënë për Tanjug Ambasadori Grek në Serbi George Giafotakis.
Ai komentoi mbi pritjet e analistëve të politikës së jashtme David Phillips dhe Daniel Server që Greqia do të ndryshojë pozicionin e saj dhe ndoshta do të njohë Kosovën.
Philips dhe Serwer thanë në RTV Dukagjini se ata nuk presin që pesë vendet e Bashkimit Evropian që nuk e kanë njohur Kosovën t’i ndryshojnë pozicionet e tyre, përveç Greqisë.
“Greqia ka shumë të ngjarë të njohë Kosovën. Muri që u krijua nga fakti që pesë vende nuk e njohën Kosovën së shpejti do të fillojë të shembet, kur Greqia ose ndonjë vend tjetër të vendosë ta njohë Kosovën”, tha Phillips.
