Greqia është ankuar në UEFA për një shkurtesë të përdorur nga Maqedonia e Veriut në Kampionatin Evropian.

Logoja e federatës së futbollit të vendit (FFM) u shfaq në fanellat e vendit gjatë ndeshjes së hapjes së fazës së grupeve kundër Austrisë.

Por, ministrat grekë kanë deklaruar se Maqedonia e Veriut nuk mund të luajë me akronimin “MKD” dhe duhet të përdorë një term tjetër në përputhje me marrëveshjen e Prespës, e cila ndryshoi emrin kushtetues të ish-republikës Jugosllave.

Ministri i jashtëm, Nikos Dendias i dërgoi një letër të dielën homologut të tij në Maqedoninë e Veriut, duke kërkuar që ekipi të respektojë marrëveshjen.

Dendias nxiti Maqedoninë e Veriut të përdorë një akronim tjetër që i përgjigjet emrit të saj zyrtar si “NM” (Maqedonia e Veriut) ose “RNM” (Republika e Maqedonisë së Veriut).

Ministri gjithashtu kërkoi nga homologu i tij, Bukhar Osmani të ndryshojë zyrtarisht emrin e federatës së futbollit.