Ish-emisari i Shteteve të Bashkuara të Amerikës për dialogun Kosovë – Serbi, ka reaguar për arrestimin dhe shpalljen “non grata” të spiunes ruse, Daria Aslamova.
Pasi ministri i Punëve të Brendshme, Xhelal Sveçla kishte shkruar në Twitter se rusja Aslamova u arrestua në të njëjtën ditë kur Policia e Kosovës u sulmuan nga bandat kriminale në veri të vendit, Grenell reagoi duke thënë se ky “është një precedent i tmerrshëm”.
“Ndërsa ju keni çdo të drejtë të dëboni individë pro-rusë (ose këdo) që nuk ju pëlqen, po krijoni gjithashtu një precedent për qeveritë e tjera që t’i ndalojnë zyrtarët e Kosovës që nuk i pëlqejnë…. Është një precedent i tmerrshëm”, shkroi Grenell.
“Po kështu është edhe refuzimi i afisheve serbe në targa”, shtoi ai, duke rikonfirmuar qëndrimin e tij kundër çdo lloj mase reciprociteti me Serbinë që Kosova synon ta vendos.
Sveçla kishte shkruar se arrestimi i Aslamovës, të cilën sot njoftoi se e ka shpallur “non grata” duke ia ndaluar hyrjen në Kosovë për 5 vjet – është “ndërhyrjes së Rusisë në veri të Kosovës”.
https://twitter.com/RichardGrenell/status/1556297582275661824?ref_src=twsrc%5Etfw%7Ctwcamp%5Etweetembed%7Ctwterm%5E1556297582275661824%7Ctwgr%5E077a38fc098569dcafe41b45977d6d3a515ef490%7Ctwcon%5Es1_c10&ref_url=https%3A%2F%2Fdemokracia.com%2Fgrenell-kapet-me-sveclen-per-arrestimin-e-spiunes-ruse-paralajmeron-ndalimin-e-zyrtareve-te-kosoves-ne-te-ardhmen%2F







