Studenti i Fakultetit Filozofik në Pragë, i cili qëlloi sot në universitet dhe vrau të paktën 15 persona dhe plagosi të paktën 24 të tjerë, shkroi në rrjetin social Telegram se po planifikonte një masakër dhe ndoshta do të bënte vetëvrasje.
David K. (24) nga fshati Hustounj afër Pragës shkroi se të gjithë e urrejnë atë dhe se ai urren të gjithë, dhe se ai u frymëzua për të kryer krimin nga studentja ruse Alina Afanaskinova, e cila së fundmi vrau dy persona, plagosi disa të tjerë dhe më pas vrau vetën në shkollën e Bryanskit, transmeton Ballkani.info.
Një student i historisë çeke ka shkruar në Telegram se Afanaskinova e ka ndihmuar shumë dhe se gjithmonë ka dashur të vrasë dhe se vrasjet masive janë më të përshtatshme se ato serike, raportojnë mediat çeke.
Rreth mesditës së sotme policia ka marrë informacion se David K. ka planifikuar të vrasë vetën dhe më pas ka gjetur të atin të vrarë dhe ka nisur kërkimet për të.
Ai kërkohej në godinën anësore të fakultetit ku po mbante një leksion, jo në godinën kryesore ku më pas hapi zjarr ndaj studentëve. Në fund i plagosur nga shkëmbimi i zjarrit me policinë është vetëvrarë.
Autori i vrasjes masive më të rëndë në historinë e Çekisë ka pasur leje për të mbajtur armë dhe deri më tani nuk është ndeshur asnjëherë me ligjin.
Policia ende nuk ka bërë të ditur identitetin e viktimave, por me shumë gjasa bëhet fjalë për studentë dhe pedagogë të Fakultetit Filozofik të Universitetit Charles në Pragë. /Ballkani.info/
BONUS VIDEO: Vetura shkelë këmbësorin në vija të bardha në Prizren, deputeti publikon pamjet!







