Gjithçka çon drejt marrëveshjes VV-LDK, partia e Mustafës do ta ketë kryeparlamentarin 4 vjet

Tashmë kur kemi hyrë në 48 orëshin e fundit të votimit të qeverisë së re të Kosovës, e përcaktuar për të hënën e 3 shkurtit, gjërat duket se po qartësohen.

Qartësimi ka të bëjë me formulën e koalicionit qeverisës ndërmjet VV-së dhe LDK-së.

Ballkani.info merr vesh eksluzivisht se marrëveshja është arritur dhe se ka mbetur finalizimi zyrtar ndërmjet Kurtit dhe Mustafës.

Sipas këtij dakordimi, LDK-ja do ta ketë kryeparlamentarin për katër vjet, jo për një vit siç ishte kërkuar paraprakisht deri në zgjedhjen e presidentit.

Ministritë do të ndahen 5 me 5, ndërkaq marrëveshja për presidentin do të jetë sekrete ku VV-ja ia voton kandidatin LDK-së.

E këtë raportim të Ballkani.info tash po e konfirmon edhe Gazeta Express.

LDK dhe LVV janë duke i shikuar detajet e fundit të një marrëveshje, mirëpo tashmë pengesa që qëndronte në mes të tyre, ajo e Kryetarit të Kuvendit, është eliminuar.

Isa Mustafa dhe Albin Kurti po duket se kanë tejkaluar dallimet që penguan për më shumë se 118 ditë arritjen e një “Koalicionit të Shpresës”.

Burimet kanë thënë se marrëveshja LDK-VV është gati ndërsa shumë shpejt pritet të nënshkruhet.

Nënkryetari i Vetëvendosjes nga Parlamenti do të shkojë në Qeveri duke marrë post ministror. Vendin e tij do marrë Vjosa Osmani.

Ndërsa, për pozitën e Presidentit, dy partitë janë marrë vesh të diskutojnë më vonë.

Pro marrëveshjes me Vetëvendosjes kanë dalë figurat kryesore në LDK duke përfshirë edhe Lutfi Hazirin, i cili sot mbajti një konferencë dhe tha se shpejt mund të ndërtohet koalicionin me Vetëvendosjen.

Rikthimi i Lutfi Hazirit nga shërimi i ka dhënë një energji të re negociatave me Vetëvendosjen.

Ndërkohë, kanë kaluar 118 ditë prej kur u mbajtën zgjedhjet dhe Vetëvendosje doli fituese. Më shumë se një muaj kanë kaluar prej se është votuar Kryetari i Kuvendit dhe është hapur mundësia e votimit për Qeverinë e Kosovës.

Deri më tash VV dhe LDK kanë dështuar ta arrijnë marrëveshje shkaku i mospajtimeve për të ndarë pozitat shtetërore.

Prej gjashtë muajsh, Kosova vazhdon të funksionojë me Qeveri në dorëheqje.

Albin Kurti dhe Isa Mustafa ishin takuar një ditë pasi kishin përfunduar zgjedhjet e 6 tetorit. Kishin thënë se koalicioni do të arrihej më së largu 72 orë pasi të certifikoheshin zgjedhjet.  Tash, kur më 26 dhjetor është votuar Kryetari i Parlamentit. /Ballkani.info/

Raportimet e Ballkani.info në vazhdimësi: