Gjilani fiton me përmbysje ndaj Arbërisë, shënohen shtatë gola
Gjilani ka shënuar fitore me përmbysje të shtunën në Podujevë duke e mposhtur Arbërinë me rezultatin 4:3.
Me këtë humbje skuadra nga Lipjani bën një hap prapa në luftë për mbijetesë.
Ndeshja nisi më mirë për mysafirët që gjetën golin në minutën e katërt me Besar Musollin që nga afërsia shënoi për 1:0. Vendasit fituan një penallti në minutën e tetë me anë të Arbër Pirës. Nga pika e bardh i pagabueshëm u tregua Cesar Santos për 1:1.
Nikoqirët arritën të shënonin edhe golin e dytë në minutën e 20-të me Almir Kryeziun që kaloi skuadrën e tij në epërsi prej 2:1. Por mysafirët barazuan në minutën e 38-të me Gerhard Prognin që realizoi një gol të bukur nga goditja e dënimit për 2:2 me të cilin rezultat u mbyll pjesa e parë.
45-minutëshi i dytë nisi më mirë për vendasit që gjetën golin. Në minutën e 52-të Kreshnik Bahtiri shënoi me kokë për 3:2. Por mysafirët nuk u dorëzuan dhe arritën të barazonin rezultatin në minutën e 86-të me Prognin që realizoi një gol të bukur për 3:3.
Por udhëtuesit arritën të përmbysin rezultatin në minutën e 89-të me Shend Kelmendi që shënoi për 4:3 me të cilin rezultat u mbyll ndeshja.
