Kompania e njohur gjermane Fostla, e cila merret me modifikimin e veturave, te projekti i saj i ri nuk është marrë vetëm me “zbukurimin” e eksterierit por është përkujdesur edhe për përmirësimin e performancës.
Më konkretisht, si bazë për projektin e saj të ri ka shërbyer Mercedes-AMG GT R i cili ka motor 4.0-litër Bi-Turbo V8 me kapacitet prej 585 kuajfuqi.
Në versionin e Fostlës, ky model tani është me kapacitet prej 650 kuajfuqi, por të dhënat për performancën e tij nuk janë zbuluar, transmeton Koha.net. Sa për krahasim, modeli standard me 585 kuajfuqi shpejtësinë nga 0 deri në 100 kilometra në orë e arrin për 3,6 sekonda ndërsa atë maksimale deri në 318 km/h.
Gjithashtu, Fostla për pjesën e pasmë të kësaj “bishe” ka zgjedhur që ta maskojë me qëllim që t’i japë një pamje atraktive.
















