Borko Stefanoviq, ish-negociatori i Serbisë, ka pasur fjalë qortuese për pushtetin në Serbi në lidhje me oepracionin në veri sa i përket dezinformimit të një marrëveshjeje të vitit 2016 për targat.

Ai ka konfirmuar se kjo marrëveshje për targat e veturave ka skaduar.

“Marrëveshja është arritur më 2011-n, që qytetarët me targa të Kosovës duhet të vënë targa të përkohshme në momentin kur futen në Serbi. Më 2016, Vuçiqi dhe Daçiqi pranuan se kjo vlen edhe pesë vjet. Kjo tash ka skaduar. Po gënjen regjimi juaj. Shpjegojani serbëve në Kosovë se si i ‘mbroni’”, ka shkruar Stefanoviq.

Postignut sporazum 2011. da građani sa kosovskim tablicama, sa grbom i zastavom Kosova, moraju da stavljaju probne ako ulaze u centralnu Srbiju. Vučić i Dačić 2016. prihvataju da ovo važi još pet godina. To sad isteklo. Laže vas režim. Objasnite Srbima na KiM kako ih "branite".

— Borko Stefanović (@BorkoStef) September 20, 2021

Policia e Kosovës e ndërmori një operacion në veri për të zbatuar marrëveshjen në fjalë për targa të përkohshme.