Flamurtari i fortë për Dukagjinin, Vushtrria e mposhti Ferizajn
Xhiro e katërt në Superligën e Kosovës ka përfunduar me ndeshjet Flamurtari – Dukagjini dhe Ferizaj vs Vushtrria.
Flamurtari mori pikët e plota në shtëpi duke e mposhtur 2-0 Dukagjinin, me golat e Festim Krasniqit dhe Danin Talloviq.
Me këtë fitore, Flamurtari ka shkuar në kuotën e shtatë pikëve dhe gjendet në pozitën e pestë.
Në xhiron e katërt, fitore ka marrë edhe Vushtrria, që e mposhti në udhëtim Ferizajn.
Golin e vetëm e shënoi Ygor Vinicius në minutën e 34’.
Për Vushtrrinë, kjo është fitorja e parë në Superligë dhe ka shkuar në kuotën e katër pikëve.