Fjalët e para të Florent Musliajt pasi iu bashkua Kosovës (VIDEO)
Florent Muslija edhe zyrtarisht i është bashkuar Kosovës. Ai do të jetë pjesë e “Dardanëve” në ndeshjet e shtatorit kundër Anglisë dhe Çekisë.
Kombëtarja e Kosovës në futboll do të përforcohet edhe me një futbollist tjetër të talentuar. Bëhet fjalë për mesfushorin ofensivë të Hannoverit, Florent Muslija, i cili edhe zyrtarisht i është bashkuar “Dardanëve”.
Ai është shprehur shumë i lumtur që do ta veshë fanellën e Kosovës.
“Jam i lumtur që sot i bashkëngjitëm Dardanëve. Do të jap maksimumin për të arritur maksimumin me rezultate.
“I falënderoj të gjithë, FFK-në dhe familjen time që më ka përkrah gjithmonë”.
20-vjeçari i lindur në Gjermani është pjesë e Hannoverit, skuadër me të cilën edicionin e shkuar shënoi dy gola në 17 paraqitje. Për U20 e Gjermanisë ka shënuar një gola në pesë ndeshje.
Me Hannoverin gjerman, Muslija ka kontratë deri në qershor të vitit 2022.