Feronikeli ka vendosur që të mos ia ndajë Prishtinës asnjë biletë për përballjen mes këtyre dy klubeve në xhiron e fundit të këtij sezoni të Ipko Superligës së Kosovës.
Përballja mes Feronikelit dhe Prishtinës do të zhvillohet të dielën në stadiumin “Rexhep Rexhepi” në orën 16:00. Kjo ndeshje do ta vendosë kampionin e këtij sezoni të Superligës.
Klubi drenicas ka vendosur që ta luajë këtë ndeshje kaq të rëndësishme vetëm para tifozëve të vetë, duke u thirrur në shkaqe sigurie.
Në këtë ndeshje, Feronikelit i mjafton edhe vetëm barazimi për t’u shpallur kampion, ndërsa Prishtinës i nevojitet fitorja.







