Familjari

Familjari që humbi motrën e mbesën në aksident: Sot ishte caktuar dita e fejesës, prandaj janë nisë me ardhë më herët

Vëllau i Valentina Binakaj, e cila humbi jetën tragjikisht bashkë me vajzën e saj, Erlinden në aksidentin e së dielës në Kroaci ka folur pas ceremonisë së varrimit në Gjakovë.

Ai për T7 tha se motra e tij, Valentina kishte vdekur në vend të ngjarjes ndërsa për mbesën e tij tha se paraprakisht nuk kishin njohuri por e kishin njohur përmes këpucëve të saj.

“Ceremonia e varrimit shkoi shumë mirë, jemi popull shumë human, me kulturë të lashtë. Falenderoj komunën për organizimin që e ka bërë, ne si familjarë nuk kemi pasë shumë obligime. Sa i përket viktimave ju shprehi ngushellime të gjitha familjeve që i kanë humbugr të dashurit e tyre”, tha ai.

Tutje ai shtoi se të dyja kishin marrë rrugën për në Kosovë për shkak të një fejese që kishin organizuar familja e tyre për sot.

“Shumë rëndë, janë mundu me më kontaktu motrat kur kanë marrë lajmin nga mbesat tona. Kam qenë në gjume se kam qenë në punë, Djali më ka zgjuar nga gjumi më tha dicka i ka ndodhë halles, nga mbesa e kam marrë lajmin se motra ka vdekur në vend, mbeswn në bazë të kpucave, të këmbëve e kanë njohur që është ajo. E madhja ka dashtë zoti që më ato lëndimë të mbijetoi, pak trauma kanë. Sot ka qenë dita e fejeses kur u caktu, ka qenë edhe arsyeja pse kanë udhëtu 3-4 ditë përpara edhe me e kry ceremoninë”, shtoi ai.