Duket e pabesueshme, por tashmë është zyrtare – pas 17 sezonesh Leo Messi është larguar nga Barcelona.

Barça dhe Leo, gjithnjë sipas Juan Laportës, numrit një të Barcelonës – deshën ta vazhdojnë ëndrrën e tyre, por për shkak të fair play financiar LaLiga nuk lejoi të regjistrojë lojtarin dhe zgjidhja e vetme ishte largimi nga klubi i fëmijërisë.

Laporta tha se me rinovimin e kontratës së Messit, për shkak të kushteve të rënda ekonomike, Barcelona rrezikonte shumë dhe arritën në përfundim që tani t’i ndajnë rrugët edhe për të mirën e klubit.

Barcelona edhe njëherë ka postuar në rrjetin social ‘twitter’ një video tjetër, ku ka zbuluar të gjitha fanellat me numra të ndryshëm që i ka veshur Messi që kur nisi të luajë në ekipin e parë, teksa ka shkruar; “Faleminderit që e keni përfaqësuar fanellën tonë me krenari”.

Thanks for representing our shirt with pride 💙❤️ pic.twitter.com/wGc2g6u2Sw

— FC Barcelona (@FCBarcelona) August 6, 2021