Erjona Sulejmani reagon ashpër pas një deklarate të pavërtetë rreth Ronaldos: Mjaft më, do ndjek rrugët ligjore

Erjona Sulejmani ditët e fundit është bërë protagoniste në disa media të ndryshme për shkak të një deklaratë, që sipas saj është e pavërtetë.

Bukuroshja nga Shkodra vijon të jetë ende “single”, por është e lodhur nga lajmet e shumta që qarkullojnë për të në media, aq sa ka paralajmëruar se do të ndjekë edhe rrugë ligjore.

“Një profesionist i vërtetë duhet të informohet para se të shkruajë gjëra kaq të forta dhe false. Para se të shpifë, një person duhet të vendosë dorën në ndërgjegjen e tij. Nuk mund të përdorni njerëz dhe jetën e tyre private për të marrë më shumë pëlqime ose shikime në rrjetet sociale. Para jush keni një grua, një nënë…

Jam lodhur çdo javë duke lexuar lajme të rreme për jetën time private. Do t’iu sugjeroja që të vini dorë në ndërgjegjen tuaj dhe të mos shkruani më asnjë rresht që dëmton imazhin, moralin dhe principet e mia, përndryshe do të jem e detyruar t’i drejtohem rrugëve ligjore për çdo lloj shpifjeje ndaj meje!”, deklaroi Erjona Sulejmani.