Ud. i detyrës së kryetarit të PDK-së, Enver Hoxhaj ka shprehur ngushëllime për ndarjen nga jeta të Smajl Veselit.
Hoxhaj ka bërë të ditur se ai ishte babai i heroit Sabit Veseli dhe xhaxhai i Kadri Veselit.
Hoxhaj i ka shprehur ngushëllimet më të thella familjes Veseli, miqve dhe dashamirëve të Smajl Veselit.
“Smajl Veseli ishte burrë trim e atdhetar, i cili i edukoi fëmijët e tij me frymën e atdhedashurisë e vetëmohimit. Shtëpia e familjes Veseli ishte simbol i rezistencës në luftën dhe përpjekjet për lirinë dhe pavarësinë e Kosovës”
Telegrami i plotë i ngushëllimit:
Me pikëllim mora lajmin e dhimbshëm për vdekjen e Smajl Veselit nga Broboniqi i Mitrovicës. Ai ishte babai i heroit të kombit Sabit Veseli dhe xhaxhai i Kadri Veselit.
Smajl Veseli ishte burrë trim e atdhetar, i cili i edukoi fëmijët e tij me frymën e atdhedashurisë e vetëmohimit. Shtëpia e familjes Veseli ishte simbol i rezistencës në luftën dhe përpjekjet për lirinë dhe pavarësinë e Kosovës.
I shpreh ngushëllimet më të sinqerta familjes Veseli, miqve dhe dashamirëve të Smajl Veselit.
I lehtë i qoftë dheu i Kosovës!







