Një qytetar ka bërë një veprim të turpshëm duke vjedhur arkën e bamirësisë së shoqatës “Autizmi” në Librarinë Dukagjini në Prishtinë.
Në faqen zyrtare të kësaj librarie është publikuar personi i cili e ka vjedhur arkën e bamirësisë.
Ata kërkojnë që qytetarët ta identifikojnë personin në fjalë.
Sipas tyre, libraria posedon edhe incizimin dhe se kamerat ua ka dërguar organeve të rendit.
Njoftimi i plotë:
Libraria Dukagjini njofton dhe kërkon nga gjithë qytetarët që kushdo që ka informacion apo e njeh personin në foto, të njoftoj organet policore pasi që i njejti ka vjedh arkën e bamirësisë së shoqatës Autizmi e cila ishte e vendosur brenda hapësirës së librarisë dhe kishte vlerë të konsiderueshme të të hollave!
Ne i posedojmë video inçizimet e aktit të kryer, mirëpo për shkak të mbrojtjes së të dhënave personale dhe pasi që ka edhe persona të tjerë prezent nuk i bëjmë publike. I njëjti inqizim ju është dorëzuar organeve të rendit!
Ju lutem t’a shpërndani këtë postim që ta shohin sa më shumë persona me shpresë që të identifikohet ky person!







