Futbollisti i Bregut të Fildishtë
E rëndë për sulmuesin e Fiorentinës, infektohet me malarie dhe shtrohet në spital
Sulmuesi i Fiorentinës, Christian Kouame është diagnostikuar me malarie.
Klubi italian e ka bërë të ditur këtë gjë përmes një komunikate zyrtare.
“Fiorentina njofton se, pas fillimit të etheve mes 20 dhe 21 shkurtit, lojtari Christian Kouame iu nënshtrua një testi për vlerësimin e një infeksioni të mundshëm malarie, i cili rezultatoi pozitiv. Futbollisti është shtruar në spital për trajtimin e duhur dhe do të rivlerësohet në ditët në vijim”.
Kouame, i freskët nga triumfi i tij në Kupën e Kombeve të Afrikës me Bregun e Fildishtë, u kthye në Firence të shtunën e kaluar, por nuk u thirr për udhëtimin e së dielës në Empoli.
