Dyshohet se një burrë ka rënë nga një objekt në Fushë Kosovë, Policia jep detaje
Një person ka rënë gjatë ditës së shtunë nga një objekt në Fushë Kosovë, ku si pasojë ka pësuar lëndime trupore.
Lajmin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Ajo ka treguar se një person është dërguar për tretman mjekësor në Qendrën Klinike Universitare të Kosovës (QKUK).
“Sot rreth orës 13:40, kemi pranuar informatën se në rrugën “Gjergj Fishta” në Fushë Kosovë, një person (mashkull), ka pësuar lëndime trupore, i njëjti dyshohet se ka rënë prej një objekti. Personi i lënduar është dërguar për tretman mjekësor në QKUK. Në vendin e ngjarjes kanë dalë njësitet e nevojshme policore të cilët kanë filluar hetimet, në koordinim me prokurorinë dhe Inspektoriatin e Punës”, ka thënë Ahmeti.
