Dy tregtarët nga Malisheva dalin pozitiv me koronavirus të cilët shitën fidane në Krushën e Madhe

Dy tregtar nga Komuna e Malishevës ditën e premte kanë shitur fidane në fshatin Krushë e Madhe.

Mirëpo, këta të dy kanë rezultuar pozitiv me koronavirus.

Kryetari i Krushë së Madhe Selami Hoti, iu ka bërë thirrje banorëve që kanë blerë tek këta persona, apo kanë pasur kontakt që të drejtohen në Qendrën e Mjekësisë Familjare dhe të vetizolohen

Postimi i plotë:

NJOFTIM
Të dashur qytetarë Krushjan,
ju njoftoj se të Premten në Krushë, dy qytetarë nga Komuna e Malishevës kanë shitur fidane të pemëve, pas konfirmimit të Institutit të Shëndetësisë që të dy kanë dalë POZITIV në COVID -19. Andaj i lus të gjithë qytetarët që kanë blerë fidane dhe kanë patur kontakt me ta të lajmërohen në QKM Fahredin Hoti në Krushë për këshilla se si të veprojnë tutje apo të futen në vetëizolim.
#KujdespoPanikjo!
Ju falem nderit
Selami Hoti
Kryetar i Këshillit të fshatit Krushë e Madhe