Xhudo
Driton Kuka për Akilin: Është çmenduri sa mirë luftoi sot, nuk e kam parë kurrë në këtë formë
Trajneri i xhudos, Driton Kuka është habitur me medaljen e artë të Akil Gjakovës, në finale të Kampionatit Evropian të Hapur që u mbajt këtë të shtunë në Prishtinë.
Kuka, mes tjerash theksoi se nuk e ka parë Akilin kurrë më parë në këtë formë.
“Është çmenduri sa mirë luftoi sot. Mundja e Hidayat Heydarov, numri 1, në rrugën për në finale ishte çelësi i suksesit. Të them të drejtën, nuk e kam parë kurrë më parë Akilin në këtë formë”, ka thënë Kuka për Unionin Evropian të Xhudos.
Përndryshe xhudistët kosovarë i kanë fituar katër medalje në Kampionatin Evropian të Hapur që u mbajt në Prishtinë.
Akil Gjakova fitoi të artën, teksa Distria Krasniqi, Nora Gjakova dhe Dardan Cena rrëmbyen të bronztën.
@ballkani.info Momenti kur Akil Gjakova e fiton të artën dhe e çon në këmbë tërë sallën në Prishtinë #akilgjakova #xhudo #judo #kosova #dritonkuka #peja #prishtina #shqip #albania #shqiperia #rugova ♬ original sound – Ballkani.info
