Drita i jep leksion Gjilanit në derbin e Anamoravës, Simonovski regjistron “het-trik”
Drita e ka fituar derbin numër 41 të Anamoravës kundër Gjilanit me rezultat të thellë 4:1.
Më meritori në këtë fitore të Dritës ishte sulmuesi maqedonas, Marko Simonovski që shënoi “het-trik”, raporton Demokracia.com.
Blend Baftiu hapi serinë e golave në minutën e 37-të me një gol të bukur nga afërsia.
Marko Simonovski dyfishoi shifrat në minutën e 44-të, kurse në minutën e gjashtë shtesë të pjesës së parë Simonovski realizoi edhe një herë tjetër.
“Het-trikun” maqedonasi e kompletoi në minutën e 68-të të përballjes.
Golin e vetëm për Gjilanin e realizoi Baton Zabergja 11 minuta para fundit të kohës së rregullt.
Me këtë fitore, Drita ngritet në pozitën e parë me 14 pikë, aq sa ka edhe Gjilani që tani bie në vendin e dytë
