Drita fiton me vështirësi ndaj Malishevës, Gjilani barazon në Klinë, Llapi mund pastër Feronikelin
Janë mbyllur tri ndeshjet e sotme në kuadër të elitës së futbollit kosovar.
Në Gjilan, Klinë dhe Drenas u hap sot java e 12-të në Superligën e Kosovës me tri ndeshje interesante.
Drita e Gjilanit e ka realizuar një fitore tejet të vështirë dhe të rëndësishme sot ndaj Malishevës.
Me autogolin e Hotit (’14), skuadra e Ardian Nuhiut ka arkëtuar pikë të plota nga kjo ndeshje.
Në anën tjetër, në Klinë, Dukagjini dhe Gjilani janë ndarë në paqe 1:1.
Ahmed Januzi (’34) shënoi fillimisht për vendasit, teksa për gjilanasit realizoi Gerhard Progni në minutën e 86-të.
Dhe për fund, Llapi ka shënuar fitore të rëndësishme në udhëtim te Feronikeli 0:2.
Rivera (’39) dhe Veliu (’62) i shënuan golat e fitores sot për skuadrën e Tahir Batatinës.