Chelsea

Drejtuesit e Chelseat gati që të përgjysmojnë pagat e futbollistëve

Hose Felichiano, bashkëpronar i “ClearLake Capital”, ka deklaruar se ulja e faturës së pagave te Chelsea, mbetet një prioritet për klubin londinez. Felichiano sugjeron se kostot e pagave duhet të shkurtohen me më shumë se gjysma e shpenzimeve aktuale.

“Ne kemi blerë një aset që është shumë i lakmuar nga shumë blerës të tjerë të mundshëm”, ka thënë fillimisht Felichiano në një konferencë të kompanisë në Paris.

“Në fund të fundit, ne jemi jashtëzakonisht të lidhur me atë bazë mbështetësish dhe tifozësh, sepse mënyra më e mirë për ta bërë klubin tonë më të vlefshëm është fitorja. Ekipi pati një sezon të parë të vështirë, sezonin tonë të parë. Ne kemi një sasi të jashtëzakonshme talentesh. Mendoj se ajo që ne po përpiqemi të bëjmë është të ulim pagën dhe në thelb shpenzimet operative të biznesit me mbi 80.6 milionë funte në vit”, përfundoi ai.

Shpenzimet aktuale të Chelsea për pagat thuhet se janë të paktën 150 milionë funte ose 173 milionë euro. /Ballkani.info