Klubi anglez, Manchester City ka hequr dorë përfundimisht nga transsferimi i Cristiano Ronaldos.

Kështu po raporton gazetari i njohur italian, Fabrizio Romano.

“Citizens” janë jashtë garës për transferimin e yllit portugez, ndonëse ishin të interesuar para 24 orëve.

Kjo u është komunikuar edhe Juventusit edhe agjentit Jorge Mendes.

Nuk kishte arritje të marrëveshjes personale dhe çmimit të transferimit, teksa kishte mosmarrëveshje që nga dje.

Gazetari sportiv italian Fabrizio Romano raporton se ylli portugez i ka thënë menaxherit të tij, Jorge Mendes se është i hapur për t’iu bashkuar “Djajve të Kuq”.

Kështu, do të bëhej fjalë për një rikthim të pabesueshëm.

Sipas Romanos, kontrata do t’i sillet lojtarit në orët në vazhdim.

“Man Utd po diskuton me Cristianon dhe Mendesin deri në qershor të vitit 2023. Manchester City nuk ka bërë kurrë ofertë zyrtare për Ronaldon”, ka shkruar Romano në rrjetet sociale.

Ronaldo vendosi sot përfundimisht të ndahet me Juventusin pasi i kaloi dy vjet në “Allianz Stadium”.

36 vjeçari u përshëndet me shokët e skuadrës dhe u nis për një vend tjetër me aeroplan privat.