Oleksandr Pielieshenko
Drama në frontin ukrainas: Humb jetën kampioni evropian
Peshëngritësi ukrainas Oleksandr Pielieshenko, i cili mori pjesë në Lojërat Olimpike të Rios, humbi jetën në pjesën e përparme të frontit, siç njoftoi Federata e Peshëngritjes së Ukrainës.
Pielieshenko ishte 30 vjeç dhe ishte dy herë kampion evropian në 2016 dhe 2017. Në Rio 2016 zuri vendin e katërt në kategorinë 85 kg.
“Me pikëllim të madh ju njoftojmë se zemra e sportistit të madh ukrainas Oleksandr Pielieshenko ka pushuar së rrahuri”,- shkruan Federata në një deklaratë.
Trajneri i ekipit ukrainas të peshëngritjes, Victor Slobodianiuk, shkroi në Facebook se atleti “vdiq si hero duke mbrojtur Ukrainën”.
Pielieshenko i ishte bashkuar forcave të armatosura të Ukrainës, që nga fillimi i ofensivës ruse, në shkurt 2022, siç kujtohet nga Komiteti Olimpik i Ukrainës.
