Ylli kosovar

Dortmundi nuk heq dorë nga Rashica

Verdhezinjtë e shohin yllin kosovar si zëvendësues ideal të Jadon Sanchos, i cili mund të rikthehet në Premierligë

Borussia Dortmundi nuk e ka ndërmend të heq dorë nga Milot Rashica.

Klubi gjerman pritet ta shesë yllin e tij, Jadon Sancho, i cili mund të përfundojë në Premierligë.

Dhe, mediumi britanik “Daily Telegraph” shkruan se Verdhezinjtë e shohin yllin kosovar si zëvendësues ideal të përfaqësuesit anglez.

Werder Bremeni është i interesuar ta shesë vushtrriasin, për të cilin i kërkon afro 25 milionë euro, përcjell Gazeta Express.

Ndërkohë, flitet se 24 vjeçari ka arritur marrëveshje personale me Leipzigun.

Gjithashtu, në Gjermani ish-futbollistin e Vushtrrisë dhe Vitesses e pëlqen edhe Hertha Berlini.

Në Itali, Rashicën e duan Milani, Napoli dhe Lazio.

Kurse, në Gjermani futbollistin e krahut e pëlqejnë Liverpooli, Aston Villa, West Hami dhe Wolverhamptoni.

Rashica ka kontratë me Werderin deri në vitin 2022.

Ai i ka realizuar 11 gola dhe i ka bërë 8 asistime këtë sezon me ekipin gjerman.