Xhudistja
Distria Krasniqi ndeshet për medalje të bronztë në Grand Slamin e Tbilisit
Xhudistja jonë, Distria Krasniqi do të ndeshet më vonë për medaljen e bronztë në kategorinë deri në 52 kilogramë në Grand Slamin që po mbahet në Tbilisi të Gjeorgjisë.
Distria është vetëm një fitore larg medaljes së bronztë, të cilët e kërkon nga repesazhi pasi u mposht më herët gjatë garës.
Pejania i nisi garat pa ndeshje në xhiron e parë, ndërsa në xhiron e dytë ajo mposhti me ‘waza-ari’ dhe Ippon, rusen Iana Zhilkina.
Kampionia Olimpike në xhiron e tretë mposhti me ‘waza-ari’, holandezen Naomi Van Krevel, ndërsa në çerekfinale humbi në vazhdime nga garuesja e Spanjës, Ariane Toro Soler.
Pas humbjes, Distria kaloi në repasazh, ku u takua me zviceranen Binta Ndiaye, të cilën e mposhti duke kaluar kështu në ‘finale’ për medaljen e bronztë.
Në luftën e fundit, xhudistja jonë do të ndeshet me kinezen Yeqing Zhu. /Telegrafi/
