Diplomati suedez, shef i EULEX-it, lavdëron Hotin: Po i kursen paratë e kosovarëve, po udhëton me biletë të lirë
Shefi i EULEX-it, Lars-Gunnar Wigemark ka pasur fjalë të mira dhe lëvdata për kryeministrin Avdullah Hoti para nisjes për në Bruksel.
“Ia heqi kapelën kryeministrit të Kosovës, Avdullah Hoti, i cili sot udhëtoi bashkë me neve në klasën ekonomike, në linjen ajrore Prishtinë-Vjenë dhe më pas në aeroplanin nga Vjena në Bruksel. Sa kryeministra të tjerë të Ballkanit Perëndimor do t’i kursenin të hollat e taksapaguesve në këtë mënyrë?”, ka shkruar Wigemark në Twitter.
Hats off for #Kosovo 🇽🇰 Prime Minister @Avdullah Hoti who today travelled with the rest of us in economy class on the ✈️ Pristina to Vienna and on the ✈️ below from Vienna to Brussels. How many other Western Balkans’ Prime Ministers would save on tax payers money in such a way? pic.twitter.com/XiOmXyY5w7
— Lars-Gunnar Wigemark (@LarsGWigemark) July 14, 2020
Wigemark është diplomat karriere nga Suedia.
Hoti, nesër, në orën 16:00 do të takohet në Bruksel me presidentin e Serbisë, Aleksander Vuçiq. Ky konsiderohet edhe rifillimi i dialogut Kosovë-Serbi pas ndërprerjes dyvjeçare. /Ballkani.info/