denoncim

Denoncimi i punonjësit të Call Center-it: Po na detyrojnë të votojmë Donaldin, pronari është mik i Romeos

Finalja e “Big Brother VIP” është mbrëmjen e së premtes dhe një prej 4 finalistëve do fitojë çmimin e madh, ndërsa tre të tjerët do fitojnë nga 10 mijë euro.

Donald Veshaj, Ilir Shaqiri, Beniada Nishani dhe Einxhel Shkira janë në “luftë” për çmimin e madh.

Publiku po voton për të preferuanin e tyre, personazhet publikë po mbështesin në rrjete sociale të preferuanin.

Televotimi me pyetjen ‘Kush doni të jetë fitues’ ka nisur fuqishëm.

Së fundmi, një punonjës i një Call Center-i ka denoncuar në rrjetet sociale, se pronari po i mbush telefonat dhe po i detyron të votojnë për Donaldin. Duke publikuar edhe telefonin me votat e dërguara për Donaldin, ai rrëfen se pronari është miku i Romeos.