Deklarohet edhe Suarez, tregon se a dëshiron të qëndrojë te Barcelona
Pas humbjes kundër Bayernit ka pasur raportime të ndryshme për largimin e disa futbollistëve të Barcelonës.
Një nga emrat e përmendur ishte edhe Luis Suarez, i cili së fundmi ka folur rreth këtyre raportimeve.
Suarez tha se atij askush nuk i ka thënë se duhet të largohet nga klubi.
“Askush nuk më tha se duhet të largohem. Nëse kjo është dëshira e klubit do të ishte mirë që personi në krye të ma thoshte direkt”, tha Suarez.
Po ashtu Suarez tregoi se ai dëshiron të vazhdojë të jetë pjesë e Barcelonës.
“Unë do të doja të qëndroja te Barcelona për aq kohë sa ata më besojnë”, përfundoi futbollisti.