De Laurentiis fton Ibrahimovicin t’i bashkohet Napolit

Ndonëse në moshën 38-vjeçare, Zlatan Ibrahimoviç e ndjen ende se ka fuqi në këmbët e tij për të luajtur në futbollin e niveleve të larta dhe është shumë pranë rikthimit në kampionatin italian të futbollit.

Pas ka veshur më herët fanellat e Juventusits, Milanit e Interit, gjiganti suedez këtë herë i ka “shkelur syrin” Napolit, ndërsa Carlo Ancelotti konfirmoi se ka të njëjtën dëshirë që transferimi të kryhet me sukses.

Së fundi ka qenë edhe presidenti i Napolit, Aurelio De Laurentiis, që në një intervistë të dhënë nga Salzburgu, ka deklaruar se e njeh nga afër Ibrën dhe se është një dëshirë e tij që sulmuesi të veshë fanellën e kaltër.

“E njoh nga afër Ibrën dhe mund të them që e kam mik. E kam takuar në Los Angeles, pasi ishim në të njëjtin hotel dhe e ftova për darkë, bashkë me gruan dhe fëmijët e tij. Kaluam një mbrëmje fantastike dhe do të ishte një dëshirë e imja ta shihja me fanellën e Napolit, por tani varet nga vendimi i tij”, tha De Laurentiis.

loading…