Daut Haradinaj i përgjigjet Kurtit dhe Selimit: Kosova është në Kushtetutën e Serbisë, si do t’i përgjigjeni kësaj me reciprocitet
Kryetari i Grupit Parlamentar të AAK-së, Daut Haradinaj, i është përgjigjur kryeministrit Kurti në Parlamentin e Kosovës gjatë seancës së jashtëzakonshme që po mbahet tani.
Haradinaj i ka bërë një pyetje Kurtit, i cili po paralajmëron reciprocitet të Serbisë dhe heqje të taksës 100%.
“Kosova është pjesë e kushtetutes së Serbisë. Cili është reciprociteti që ke me përdorë kundër kësaj?”, ka pyetur Haradinaj.
Po ashtu, Haradinaj ka e ka përmendur edhe kryetarin e GP të VV-së, Rexhep Selimi, të cilin e ka quajtur mik të dikurshëm.
I ka bërë një pyetje se në emër të kujt po flet.
“Zoti Rexhep Selimi, a fole në emër tëndin, a të Isa Mustafës, apo Albin Kurti? A ka me pas reciprocitet para, apo pas heqjes së taksës”, ka theksuar ai.
