Dalin pamjet/ Tre orë përballje në pyll, ja momenti kur policia arreston vrasësin e 23-vjeçares

Publikohen pamjet nga momenti i arrestimit të 31 vjeçarit Elton Meta, i cili mbrëmjen e kaluar ekzekutoi ish-gruan e tij, 23 vjeçaren Sabrina Bengaj.

Vrasësi i fshehur në një zonë rurale dhe me armën e krimit me vete. 

Sipas policisë, kanë qenë 3 orë ndjekje në kushte të vështira për shkak të errësirës dhe rrezikshmërisë që kishte ky person pasi ishte i armatosur, teksa ai u kap në një zonë të pyllëzuar në fshatin Peshtan.

Në operacion për arrestimin kanë marrë pjesë Forca Operacionale, Forca e Posacme “Shqiponja”, shërbimet e Komisariatit të Policisë Fier në bashkëpunim dhe me 2 grupe të FNSH Fier.

Në vijim të veprimeve, specialistët për Hetimin e Krimeve në Komisariatin e Policisë Fier, arrestuan në flagrancë për veprën penale “Vrasja për shkak të marrëdhënieve familjare” shtetasin Elton Metaj, 31 vjeç, banues në Peshtan (i dënuar më parë për veprat penale “Armëmbajtja pa leje”, “Kundërshtim i punonjësit të policisë” dhe “Dhunë në familje”.

A mund të parandalohej krimi?

Elton Metaj njihej si një person problematik, dhe i skeduar nga policia.

Ky krim i rëndë do të shmangej në rast se prokuroria dhe gjykatat në vendin tonë, së bashku me policinë do të funksiononin, dhe Metaj nuk do të ishte lënë i lirë më pak se një vit nga pengmarrja që i bëri ish-gruas dhe familjes së saj. Ishte shtatori i 2020-tës, koha kur Metaj shkoi në banesën e prindërve të Sabrinës, dhe i mbajti ata peng për 5 orë nën kërcënimin e armës.

Pavarësisht arrestimit, ai qëndroi pas hekurave më pak se një vit, dhe u rikthye në të njëjtën banesë, tashmë duke i marrë jetën nënës së vajzës së tij të mitur.